Բլոգ

Տնտեսապես անկայուն ներկա աշխարհում կայունությունն ու ռեսուրսների ճիշտ կառավարումը առաջնային են դարձել թե՛ փոքր, թե՛ խոշոր բիզնեսի համար։ Արևային կայանների ձեռքբերումը նույնպես ներդրում է բինեսի զարգացման և կայունացման գործում, քանի որ կարող է բազմաթիվ առավելություններ ապահովել բիզնեսին։ Թե ինչու է արևային էներգիային անցնելը խոհեմ որոշում՝ կարդացեք ստորև։

Ծախսերի խնայողություն

Ձեր բիզնեսի համար արևային վահանակների նախընտրությունը դիտարկելու ամենահատկանշական պատճառը էներգասպառման ծախսի զրոյացումն է։ Արևային կայանները երկար կյանք ունեն, սովորաբար՝ 25-30 տարի կամ ավելի, ինչը նշանակում է, որ Ձեր նախնական ներդրումները ժամանակի ընթացքում կարող են զգալի եկամուտներ բերել: Բացի այդ, պետական սուբսիդավորման տարբեր ծրագրեր են մշակվել՝ փոխհատուցելու տեղադրման ծախսերը, ինչը արևային էներգիայի նախընտրությունը ֆինանսապես ավելի գրավիչ է դառնում, քանի որ այդ ծրագրի շնորհիվ գումարի հետգնման ժամկետն ընդամենը 3-4 տարի է:

Էներգետիկ անկախություն

Արևային կայանը բիզնեսին առավել հարմար է կուտակիչով տեղադրելու պարագայում, քանի որ ձեռք եք բերում  էներգետիկ անկախություն: Սա հատկապես ձեռնտու է հոսանքազրկումների ժամանակ: Բիզնեսը ապահովագրելով հոսանքազրկումներից՝  Դուք նպաստում եք Ձեր բիզնեսի անխափան աշխատանքին:

Երկարաժամկետ ներդրում

Արևային կայանները երկարաժամկետ ներդրում են, որոնք ժամանակի ընթացքում արժեվորվում են: Մինչ էներգիայի վարձավճարները շարունակում են աճել, Ձեր արևային վահանակների աշխատանքը դառնում է ավելի արժեքավոր՝ ապագայի համար ապահովելով էներգասպառման կայուն ու կանխատեսելի ծախս: Այս կայունությունը թույլ է տալիս բյուջետային և ֆինանսական ավելի լավ կանխատեսում ու պլանավորում իրականացնել՝ ի վերջո նպաստելով Ձեր բիզնեսի ֆինանսական կայունությանը:

Ընդարձակություն և ճկունություն

Արևային էներգիան կամ, ինչպես ասում են, կանաչ էներգիան Հայաստանում  մեծ ներուժ ունեցող ոլորտ է՝ պայմանավորված երկրի աշխարհագրական դիրքով ու կլիմայով։ Անկախ Ձեր բիզնեսի ծավալներից՝  արևային էներգիան կարող է հարմարեցվել Ձեր պահանջներին համապատասխան: Ավելին՝ արևային տեխնոլոգիաների առաջընթացը շարունակում է բարելավել արդյունավետությունը՝ հնարավոր դարձնելով ավելի շատ էներգիա արտադրել ավելի քիչ տարածության մեջ:

Գույքի արժեքի բարձրացում

Արևային վահանակների տեղադրումը կարող է բարձրացնել Ձեր գույքի կամ կապիտալի արժեքը: Արևային կայանով օբյեկտները հաճախ ավելի գրավիչ են գնորդների և վարձակալների համար, քանի որ դրանք առաջարկում են կրճատված ծախսեր: Սա կարող է զգալի առավելություն լինել, եթե որոշեք վաճառել կամ վարձակալության հանձնել Ձեր գույքը:

Արևային էներգիայի մասին կարելի է շատ խոսել, հատկապես՝ երբ թվում ենք դրա առավելությունները։ Ամփոփիչ ընդգծումները մտածելու տեղիք կտան․

• ծախսերի խնայողություն,
• բնապահպանական պատասխանատվություն,
• էներգետիկ անկախություն,
• գույքի արժեքի բարձրացում:

Քանի որ աշխարհն անցնում է ավելի կայուն ապագայի, արևային տեխնոլոգիաների ընդունումը կարող է Ձեր բիզնեսը դիրքավորել որպես ոլորտում առաջատար և ապահովել ֆինանսական երկարաժամկետ կայունություն: Օգտագործեք Արևի զորությունը՝ Ձեր բիզնեսը հզորացնելու համար:

Արևային էներգիան օգտագործելով էլեկտրական էներգիա արտադրելու համար՝ նվազեցվում ենք չվերականգնվող պաշարների սպառումը ողջ աշխարհում: Երբ արևային վահանակները տեղադրվում են տանիքներին կամ բաց տարածքներում, դրանք կլանում են արևի լույսը և վերածում էլեկտրաէներգիայի՝ ֆոտովոլտային էֆեկտ կոչվող փոխակերպման գործընթացի միջոցով: Այսկերպ արտադրված էլեկտրաէներգիան կարող է ուղղակիորեն օգտագործվել բնակարանների, բիզնես կառույցների և այլ օբյեկտների համար՝ նվազեցնելով էլեկտրաէներգիայի բացառապես ավանդական աղբյուրների՝ հանածո վառելիքի վրա հույս դնելու անհրաժեշտությունը: 

Չնայած արևային վահանակի առաջին նախատիպը ստեղծել է արմատներով հայ ֆոտոքիմիկոս Ջակոմո Չամիչյանը, Էներգասպառման այս մոդելին Հայաստանը հապաղումով անցավ:

Արևային էներգիան որպես էլեկտրամատակարարման հիմնական աղբյուր ընտրելով՝ Հայաստանը կարող է.

• Նպաստել օդի մաքրությանը. արևային էներգիան վերականգնվող և մաքուր աղբյուր է, ինչը նշանակում է, որ էներգաստեղծման ու օգտագործման ընթացքում մթնոլորտ չեն արտանետվում վնասակար ջերմոցային գազեր և չեն նպաստում օդի աղտոտմանը: 

• Նվազեցնել կախվածությունը արտերկրյա ռեսուրսների ներմուծումից. Հայաստանը, չունենալով հանածո էներգակիրների պաշար, կարող է նվազեցնել իր կախվածությունը ներկրվող վառելիքից՝ դրանով իսկ բարձրացնելով էներգետիկ անվտանգությունը և սակավացնելով արտաքին աղբյուրներից վառելիքի գնման հետ կապված ֆինանսական և լոգիստիկ բեռը:

• Ապահովագրվել էլեկտրաէներգիայի պակասի վտանգից. Հայաստանը նախկինում բախվել է էլեկտրաէներգիայի պակասի խնդրին` մատակարարման սահմանափակումների պատճառով: Արևային էներգիան կարող է օգնել մեղմել այս խնդիրը՝ անցնելով մարդկությանը բնությունից տրվող հասանելի և հուսալի էներգաաղբյուրին:

• Կայունացնել էներգիայի ծախսերը. արևային էներգիան օգնում է կայունացնել էներգիայի ծախսերը՝ ապահովելով էլեկտրաէներգիայի կանխատեսելի աղբյուր, քանի որ ՀԷՑ-ից ստացվող էներգիայի 1 կՎտ-ի գինը կարող է փոփոխվել, իսկ արևային կայանի դրվածքային հզորությունը որոշվում է բացառապես հոսանքի ծախսի հաշվարկով, այսինքն՝ անհրաժեշտ էներգասպառման հենքով, և մնում է կայուն:

Այսպիսով՝ եզրահանգումը մեկն է․ արևային կայանը և´ շահավետ է ֆինանսապես, և´ օգտակար` մեր մոլորակի մասին հոգատարության առումով: