Սմարթֆոն Կամ Հանգիստ

1. ԳՈՎԱԶԴԱՅԻՆ ԱՐՇԱՎԻ ՆԿԱՐԱԳԻՐ

• Գովազդային արշավը (այսուհետ՝ Արշավ) կազմակերպվում է «ԻՏԱԼ ՍՈԼԱՐ» փակ բաժնետիրական ընկերության (այսուհետ՝ Ընկերություն) գովազդային քաղաքականության շրջանակներում։
• Արշավի պայմանների կատարման դեպքում մասնակիցներին հնարավորություն է ընձեռվում ստանալ նվեր։
• Արշավի կանոնները (այսուհետ՝ նաև Կանոններ) հրապարակային առաջարկ է (Օֆերտա)` Հայաստանի Հանրապետության քաղաքացիական օրենսգրքի 451-րդ հոդվածի և 453-րդ հոդվածի 2-րդ մասի տրամաբանությամբ:
• Արշավի կանոնների համաձայն Ապրանքի ձեռքբերումը համարվում է Օֆերտայի լիարժեք և անվերապահ ընդունում (ակցեպտավորում):
• Օֆերտայի գործողության ժամկետը համընկնում է Արշավի իրականացման ժամկետին:
• Ընկերությունն իրավունք ունի ցանկացած պահի միակողմանի իր հայեցողությամբ փոխել Օֆերտայի դրույթները, ինչի մասին կարող է տեղեկացնել էլեկտրոնային հարթակ(ներ)ով:

2. ՕՖԵՐՏԱՅՈՒՄ ՕԳՏԱԳՈՐԾՎՈՂ ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐ

• Ընկերություն` «ԻՏԱԼ ՍՈԼԱՐ» փակ բաժնետիրական ընկերություն (ՓԲԸ),
• Հաճախորդ` Ապրանք ձեռք բերելու ցանկություն հայտնած ֆիզիկական կամ իրավաբանական անձ,
• Ապրանք` դրվածքային ցանկացած հզորության արևային կայան,
• Արևային կայան՝ Ընկերության կողմից առաջարկվող և տեղադրվող արևային ֆոտովոլտային կայան,
• Կողմեր՝ Ընկերություն և Հաճախորդ,
• Արշավի իրականացման ժամկետ՝ 2024թ․ ապրիլի 8 – մայիսի 8 ներառյալ։

3. ԱՐՇԱՎԻ ԱՆՑԿԱՑՄԱՆ ԵՎ ԱՐՇԱՎԻՆ ՄԱՍՆԱԿՑՈՒԹՅԱՆ ԿԱՐԳԸ

• Արշավի շրջանակներում նվեր կարող է ստանալ այն Հաճախորդը (այսուհետ՝ Մասնակից), ով միաժամանակ կատարել է հետևյալ պայմանները.
  • ընտրում է Ապրանքը․
  • Ապրանքի դիմաց ՀՀ դրամով վճարում է կանխիկ կամ անկանխիկ եղանակով՝ համաձայն Ապրանքի առուվաճառքի պայմանագրի։

• Կանոնների 3.1. կետով նախատեսված գործողությունները կատարելուց հետո Մասնակիցը ստանում է նվեր՝ ընտրելով հետևյալ ապրանքներից մեկը․
  • SAMSUNG A14 մոդելի սմարթֆոն,
  • Երևան քաղաքի վաճառակետերում 3.2.3 ենթակետում նշված մոդելի բացակայության դեպքում՝ 10% գնային տատանումով այլ մոդելի սմարթֆոն,
  • Հանքավանի «Նաիրի սպա ռեզորթս» հյուրանոցային համալիրում 2 (երկու) անձի երկօրյա հանգստի փաթեթ։

4. ԱՅԼ ՊԱՅՄԱՆՆԵՐ

• Ընկերությունն իրավունք ունի Արշավի իրականացման ժամկետում փոփոխել Ապրանքների ցանկը և արժեքները։
• Հաճախորդի արդեն ձեռք բերած (վճարած) Ապրանքի արժեքի փոփոխություն չի թույլատրվում։
• Մասնակիցը սույնով տալիս է համաձայնություն, որ Ընկերությունն իրավունք ունի մարքեթինգային և օրինական այլ նպատակներով օգտագործել Մասնակցի կամ այլ անձանց տվյալները, որոնք Մասնակիցը տրամադրել է Ընկերությանը, Մասնակցին տեսա-ձայնա-լուսանկարահանել և արդյունքը հավաքագրել, պահպանել ու տարածել գովազդային և օրինական այլ նպատակներով:

5. ՊԱՏԱՍԽԱՆԱՏՎՈՒԹՅՈՒՆԸ

• Կողմերը պարտավորությունների չկատարման կամ ոչ պատշաճ կատարման համար պատասխանատվություն են կրում` Հայաստանի Հանրապետության գործող օրենսդրությանը համապատասխան:

6. ԱՆՀԱՂԹԱՀԱՐԵԼԻ ՈՒԺԻ ԱԶԴԵՑՈՒԹՅՈՒՆԸ

• Օֆերտայով սահմանված պարտավորություններն ամբողջությամբ կամ մասնակի չկատարելու համար Կողմերն ազատվում են պատասխանատվությունից, եթե դա անհաղթահարելի ուժի ազդեցության արդյունք է, այդ թվում` երկրաշարժ, ջրհեղեղ, հրդեհ և Կողմերի հսկողությունից դուրս այլ իրավիճակ, որը ծագել է Օֆերտան ակցեպտավորելուց հետո, և որը Կողմերը չէին կարող կանխատեսել կամ կանխարգելել:

7. ՎԵՃԵՐԻ ԼՈՒԾՈՒՄ

• Օֆերտայի շրջանակներում ծագած բոլոր վեճերը, տարաձայնությունները և պահանջները, ներառյալ՝ դրա կատարմանը, խախտմանը, դադարեցմանը կամ անվավերությանը վերաբերող, ենթակա են կարգավորման Կողմերի միջև գրավոր (կողմերի էլեկտրոնային հասցեներին ուղարկելով) բանակցությունների և խորհրդակցությունների ձևով` 20-օրյա (քսանօրյա) ժամկետում, իսկ հաջողության չհասնելու դեպքում՝ Հայաստանի Հանրապետության օրենսդրությանը համապատասխան` ՀՀ իրավասու դատական ատյաններում:
• Ընկերությանն ուղղված Հաճախորդի դիմում-բողոքները կարող են ներկայացվել.

  ա) բանավոր՝ զանգահարելով Ընկերության զանգերի կենտրոն՝ +374 ———– հեռախոսահամարով,

  բ) գրավոր՝ ——————–էլեկտրոնային հասցեին ուղարկելու միջոցով:

8. ԵԶՐԱՓԱԿԻՉ ԴՐՈՒՅԹՆԵՐ

• Ընկերությունն իրավունք ունի Օֆերտայով ամրագրված իր իրավունքները և պարտավորությունները ամբողջությամբ կամ մասամբ փոխանցել այլ անձի` առանց Հաճախորդի համաձայնության:
• Հաճախորդն իրավունք չունի իր իրավունքները և պարտավորությունները փոխանցել այլ անձի` առանց Ընկերության համաձայնության:
• Օֆերտան կազմված է հայերեն լեզվով, կարող է թարգմանվել և հրապարակվել նաև այլ լեզուներով: Ընդ որում՝ հայերեն և այլ լեզվով տարբերակների միջև հակասության դեպքում գերակա է հայերեն տարբերակը:
• Օֆերտայի պայմանները գործում են ամբողջությամբ, եթե այլ բան նախատեսված չէ կողմերի միջև կնքված Ապրանքի առուվաճառքի Պայմանագրով։